అందమైన ప్రేమ కధలను వెండితెరపై హృద్యంగా ఆవిష్కరించే హను రాఘవపూడి నుండి ఇటీవలే వచ్చిన సినిమా "సీతారామం". ఆగస్టు 5న విడుదలైన ఈ సినిమా అన్ని వర్గాల ప్రేక్షకులను విశేషంగా మెప్పించింది.
దుల్కర్ సల్మాన్, మృణాల్ ఠాకూర్ జంటగా నటించిన ఈ మూవీలో రష్మిక మండన్నా, సుమంత్, గౌతమ్ మీనన్, తరుణ్ భాస్కర్ కీలకపాత్రల్లో నటించారు. విశాల్ చంద్రశేఖర్ సంగీతం అందించారు.
తాజాగా, ఈ సినిమా 50 రోజుల థియేటర్ రన్ ను పూర్తి చేసుకుంది. ఈ సందర్భంగా, సీతారామం మేకర్స్ డిలీట్ చేసిన ఒక హార్ట్ టచింగ్ సీన్ ను ఈ రోజు సాయంత్రం నాలుగింటికి విడుదల చేస్తామని ప్రకటించారు.